Тус хэлтсийн Эмэгтэйчүүдийн зөвлөлөөс санаачлан хэлтсийн нийт алба хаагчдын гэр бүлийн хүмүүстэй уулзалт зохион байгуулан ажиллаж байгаа бөгөөд өнөөдөр Мөрдөн байцаах тасгийн алба хаагчдын гэр бүлтэй уулзаж санал хүсэлтийг нь хүлээн авлаа. Хөтөлбөрийн хүрээнд тус хэлтсийн дарга, цагдаагийн дэд хурандаа М.Цэдэн-Иш, Мөрдөн байцаах тасгийн дарга, цагдаагийн дэд хурандаа Ө.Цогтгэрэл нар ажил, албаны онцлог, алба хаагчдын ажлын ачаалалын талаар, тус газрын сэтгэл зүйч, цагдаагийн дэслэгч Г.Солонго "Цагдаагийн алба хаагчийн гэр бүл" сэдвээр тус тус мэдээлэл өгч, ярилцлага хийв. Зөвлөлийн үйл ажиллагааг дэмжин алба хаагчдын маань гэр бүлийн гишүүдэд үйлчлүүлэх эрх бэлэглэсэн "Shoko hot pot" ресторан, "Baagii" гоо сайхны салон, "Misheel" гоо сайхны салоны хамт олонд цаашдын ажилд нь өндөр амжилт хүсэн ерөөе.